Maaratoon fiige moo Kubbaadha taphate?

By: Munawar Ahmed Siraj

Maaratoon fiige moo
Kubbaadha taphate?
Bishaan daakeeti moo
Darbannaan moohate?,
Maali sababni Hagos illee
Geeba itti fudhate?

Har’a dhugaan hafee
Cubbuun kabajamee,
Miidhamaan yakkamee
yakkamaan faarfamee
Baga balleessiteef
Geebni badhaafame.

Dubbii bara kanaa
Oromoon hubatee,
Ofumaa wal kabee
Wal daddagalfatee
“Lammiin lammiidhaaf”
Dhaadannoo godhatee
Bahaa fi dhihatti
Wal bira dhaabbatee
Shira alagaadhaa
Xiqqo dandamate.

Nurraa hin dhukanne
Hojiin itti jirtan,
Ajaja waliitin
Lammii teenya fixxan
Ar’a gammachuudhaan
Geeba waliif hirtan.

Kun tuffiidha malee
Jibba qofaa miti,
#Lammaa afeeranii
Biyya Affaaritti
Hagoos illee balaa
Badhaasan duratti,
Hojiin wayyaanotaa
Garaa nama gubdi.

About bilisummaa

Yaa rabbii ilmaan Oromoo haqa garsiisi warra haqa isa ka dhabe karaa haqaatii fii gootummaan ifirratti falmatee deeffatu godhi!!Baha, Dhiha, Kaabaa fii kibbatti sagalee keenya tokko nuuf taasisi yaa waaqa!!

Check Also

DhDUOn murtii xumuraa godhuuf sadarkaa ittidirqamu irra gahee jira  

  “Yaa soogidda ofiif jedhii mi’aawii ykn dhagaa dha jedhanii achi si darbatuu”   Berhanu …

Yaada kanaaf deebisaa kenni