Oduu Haaraya

‪#‎Jechoota Beektotaa‬!!!

* Qabaadhu:
~ Jaalala onnee
~ Beekumsa sammuu
~ Obsa garaa
~ Dhugaa arrabaa
~ Ogummaa harkaa qabadhu!
* Bara Jireenya Kee Keessatti:
~ Kan dabarsite yaadadhu.
~ Kan keessa jirtutti jabaadhu.
~ Kan itti deemtuuf abdiin jiraadhu.
~ Bakka yaadde gahuuf obsa qabaadhu.
~ Kaayyoon kee akka galma sii gahuuf rabbiin kadhadhu!
*Addunyaa Tana Irratti:
~ Jecha kee eeggadhu, isatu gocha ta’aatii.
~ Gocha kee eeggadhu, isatu amala ta’aatii.
~ Amala kee sirreessi isatu namoota wajjiin si jiraachisaatii.
~ Jireenya kee fooyyessi, isatu boqqonnaa bara jireenya kee guutuutii.
~ Qabeenyaan qabduun namatti hin boonin, qabeenyi fixeensa ganamaatii.
~ Beekumsa qabduun uf hin tuulin, namoonni si caala beekan heddutu jiraatii.
~ Aangoo qubaan si filaniin uf hin dhiibin, qubaan irraa si buusaniitii.
~ Hin hatin abaarsa jalaa baataatii.
~ Hin kijibin amanamaa taataatii!
* Yoo Nama Taate:
~ Jaalala baay’isi.
~ Beekumsa ida’i.
~ Qabeenya hiri.
~ Inaaffaa hir’isi.
~ Ilaalcha wal-qixxeessi.
~ Hojii guddisi!
~ Teessuma xiqqeessi.
* Jaalalli Dhugaa:
~ Mi’aawaadhaa dhandhamadhu.
~ Urgaawaadhaa fuunfadhu.
~ Gammachuudhaa simadhu.
~ Icciitiidhaa eeggadhu.
~ Dorgommiidhaa itti hirmaadhu.
~ Qabsoodhaa injifadhu.
~ Abdiidhaa obsaan eeggadhu.
~ Qabeenyaa horadhu.
~ Bultiidhaa ijaaradhu.
~ Gaaddisaa jala boqadhu!
¤ “Bareenni fokkataa?” jennaan, = “Yoo jaare!”
¤ “Beekaan dogoggoraa?” jennaan, = “Yoo aaree!”
¤ “Hiyyeessi duroomaa?” jennaan, = “Yoo xaare” eeyye jedhanii walii galu hayyoonni!

* Waan dubbiftaniif, galata keessan bakka bu’ee hin banne, bakka kufee hin cabne, bakka hattuun hin hannee fi bakka moofee hin shamne isiniif kaaheera!!!
* Kan nyaattan isiniif haa sifaahu, kan yaaddan isiniif haa milkaahu!!!
‪#‎HoraaBulaa‬!!!

About bilisummaa

Yaa rabbii ilmaan Oromoo haqa garsiisi warra haqa isa ka dhabe karaa haqaatii fii gootummaan ifirratti falmatee deeffatu godhi!! Baha, Dhiha, Kaabaa fii kibbatti sagalee keenya tokko nuuf taasisi yaa waaqa!!

Check Also

JECHOOTA HOJIIF BARBAACHISOO: Kutaa Afraffaa

                                                                              Taammanaa Bitimaa irraa DURADUBBII Dubbiftoota barreeffata kanaa jaalatamoo fi kabajamoo, barreeffata kana kutaalee dabran …

One comment

  1. Qalamnii keessaan haa mirgisu.

Yaada kanaaf deebisaa kenni