Oduu Haaraya

የአቶ ዳዉድ አነጋገር በንድፈ ሀሳብ ደረጃ ምን ማለት ነዉ?

Taye Dendea

ብዙ ፓርቲዎች ከዉጭ መግባታቸዉ ይታወቃል። አመጣጣቸዉ ደግሞ ለኢትዮጵያ መንግስት እውቅና ከመስጠት አልፎ ከመንግስት ጋር መስማማትን ያካትታል። ህገ-መንግስታዊ ስርዓቱን ማክበር ላይ የተመሠረተ ነዉ። ሁሉም በሰላም እና በህግ መሠረት አላማዉን ለማሳካት መምጣቱ እሙን ነዉ ። ይህ ጉዳይ ትጥቅ መፍታትን ይጨምራል። ምክንያቱም አንድ ፓርቲ ጠመንጃ ይዞ ለሰላማዊ ምርጫ መወዳደር አይችልም። ሁሉም ተፎካካሪ ፓርቲዎች በእኩል ሜዳ ላይ መንቀሳቀስ አለባቸዉ። አንዱ ታጥቆ ሌላዉ ባዶ እጁን ከሆነ ደግሞ እኩልነት የለም። ስለዝህ ከመንግስት ዉጭ ያሉ የፖለቲካ ፓርቲዎች ትጥቅ መፍታታቸዉ አግባብ ነዉ።

በዝህ ጉዳይ ላይ አቶ ዳዉድ ኢብሳ የሰጡት ሀሳብ ህግን እና ሎጅክን የሚቃረን ነዉ። ዋልታ TV እንዳስነበበን አቶ ዳዉድ “ትጥቅ የሚፈታም የሚያስፈታም የለም” ብሏል። የዝህ ትርጉም ሰፊ ነዉ። ግን ሁለት ነገሮች በሚገባ መታየት አለባቸዉ። አንደኛዉ መንግስትን ዕዉቅና መንፈግ ነዉ። የኢትዮጵያ መንግስት የሚባል ነገር የለም እንደማለት ይመስላል። ትጥቅ የሚያስፈታ የለም ማለት መንግስት የለም ከማለት አይተናነስም። ሁለተኛዉ ደግሞ ህገ-ወጥነት ነዉ። ንግግሩ አቅም ስላለን ህግንም ሆነ መንግስትን አናከብርም እንደማለት ይመስላል። ትጥቅ የሚፈታ የለም ማለት ህገ-መንግስቱንም ሆነ ሌሎች ህጎችን አናከብርም ማለት ይሆናል። በጣም ገራሚ ጉዳይ ነዉ። መንግስትን ዕዉቅና መንፈግ እና ህግን አለማክበር ምን ይባላል? ለኢትዮጵያ መንግስት እዉቅና ካልሰጡ እና ህግን የማያከብሩ ከሆነ ከአስመራ ለምን መጡ?
ለማንኛዉም የኢትዮጵያ መንግስት መኖሩን ማወቁ አይከፋም። ህገ-መንግስቱን እና ሌሎች የሀገሪቱን ህጎች ማክበርም ግድ ይላል። መንግስትን እና ህግን መቀየር ይቻላል! ህገ-መንግስቱም ይፈቅዳል። ነገር ግን ህጋዊ አካሄድን መከተል ያስፈልጋል። ከህግ ዉጭ መሄድ ለማንም የማይጠቅም አማራጭ ይሆናል።

የህግ የበላይነት ይከበራል!

About bilisummaa

Yaa rabbii ilmaan Oromoo haqa garsiisi warra haqa isa ka dhabe karaa haqaatii fii gootummaan ifirratti falmatee deeffatu godhi!! Baha, Dhiha, Kaabaa fii kibbatti sagalee keenya tokko nuuf taasisi yaa waaqa!!

Check Also

Ijaarsa seeraan fi pilaaniin magaalaatiin alaatiin magaalaan finfinnee fi magaalotni GAONF manca’aa akka jiran beektuu?

(By Makuriya Waahimaa Hunde) Bara 2009 egalee mootummaan saamicha lafaa qonnaan bulaa buqqisuudhaan murna biyya …

Yaada kanaaf deebisaa kenni